REALIZOJMË ËNDRRAT E FËMIJËVE QË NGA VITI 1836

  • Një shkollë me rezultate të larta në provimet kombëtare të klasës IX në mbarë Shqipërinë
  • Arsim cilësor që nga viti 1836 në Greqi, që nga viti 1998 në Tiranë
  • Një komunitet i madh nxënësish dhe prindërish
  • Vlerësim profesional dhe shoqëror i të diplomuarve në të gjitha fushat e jetës

Që nga themelimi i tij në vitin 1836, «Fondacioni Filekpaideftiki» kryen përmbushjen e ëndrrave të fëmijëve. Fillimisht ai u krijua për të mbushur një boshllëk të madh në realitetin arsimor të shtetit të sapoformuar grek: edukimin e vajzës greke.

Pothuajse 200 vjet më vonë, mendimi novator i grupit themelues mbetet boshti rreth të cilit ndërtohet, forcohet dhe përqëndrohet e gjithë filozofia e shkollave “Arsakeio – Tositsia”. Prania dhe veprimtaria e F. F në jetën arsimore, intelektuale, kulturore dhe shoqërore të vendit mbetet thelbësore. Në shkollat “Arsakeio”, fëmijët marrin një edukim të gjithanshëm dhe të plotë – mjeti më i rëndësishëm për të realizuar ëndrrat e tyre dhe për të përparuar në të gjitha fushat e jetës

Regjistrimet për klasat VI–IX

Regjistrimet për klasat VI–IX bëhen pas kryerjes të një testimi aftësish në lëndët gjuhë shqipe dhe matematikë sipas programit të miratuar nga Ministria e Arsimit dhe Sportit të Shqipërisë. Për nxënësit me përfundime të shkëlqyera, shkolla ofron bursa.

UNË ZGJEDH ARSAKEIO

Inovacion arsimor

Shërbim këshillimi – psikologjik, gjuhë të huaja, vizita në shkollat simotra “Arsakeio” në Greqi dhe bashkëpunim me bashkëmoshatarët, shërbimi i programeve arsimore dhe veprimtarive kulturore (udhëtime edukative, organizim projektesh ndërdisiplinore, pjesëmarrje në olimpiada kombëtare dhe ballkanike etj.)

Infrastrukturë bashkëkohore

Shkolla 9-vjeçare «Arsakeio e Tiranës» zotëron mjedise të bollshme, të pastra dhe të mirëorganizuara. Shkolla është ndërtuar sipas ligjeve të ndërtimit të shkollave moderne dhe ka infrastrukturë bashkëkohore: laborator informatike, bibliotekë, laborator të shkencave natyrore, hapësira sportive të jashtme dhe palestër të mbyllur. Oborret plot hapësirë janë të ndara sipas grupmoshave të nxënësve dhe janë të rrethuara plot  gjelbërim.

Provimet Kombëtare Shqiptare

Momenti i dytë i madh në jetën e nxënësve ka ardhur. Nxënësit e klasës IX të kolegjit greko-shqiptar “Arsakeio e Tiranës” janë të gatshëm për këtë sfidë që zhvillohet në nivel kombëtar. Me qëllim mbështetjen dhe përgatitjen sa më të mirë të nxënësve për Provimet Kombëtare të Arsimit Bazë, shkolla në lëndët bazë (matematikë, gjuhë shqipe dhe anglisht) ofron orë shtesë për të arritur rezultatet më të mira të mundshme.

GJUHËT E HUAJA

Kalimi i nxënësve nga arsimi fillor në arsimin e mesëm të ulët, si në aspektin e njohurive, ashtu edhe në atë emocional është një nga synimet kryesore të shkollës sonë.

Qëllimet e mësimdhënies së gjuhëve të huaja në gjimnaz janë:

  • Ruajtja e vazhdimësisë gjuhësore që përftohet që nga arsimi fillor dhe zhvillimi i mëtejshëm i aftësive gjuhësore,
  • Kontakti kulturor me vendin e gjuhës. Kjo kryhet përmes teknologjisë dhe veprimtarive ndërvepruese,
  • Integrimi i gjuhës me situata reale të jetës përmes kontaktit të nxënësve me bashkëmoshatarë nga vende të tjera,
  • Përgatitja për marrjen e diplomave të njohura ndërkombëtarisht: Nxënësit tanë, nëse plotësojnë kushtet dhe përmbushin kërkesat e nivelit përkatës, kanë mundësi të pajisen me certifikatë
  1. Në muajin maj testohen në gjuhën greke dhe pajisen me certifikatë të nivelit B1 nxënësit e klasës VIII
  2. Në muajin prill ose maj testohen në gjuhën angleze dhe pajisen me certifikatë të nivelit B2 (FCE) nxënësit e klasës VIII ose IX.

Gjuha Greke

Nxënësit tanë mësojnë gjuhën greke përmes një programi studimi inovativ me theks komunikimin. Programi është i pajisur me material bashkëkohor mësimor. Nxënësit e ciklit 9-vjeçar të shkollës “Arsakeio e Tiranës”, të cilët e kanë ndjekur atë që nga fillimi i jetës së tyre shkollore, kanë mundësi që në klasën VIII të marrin pjesë në provimet e certifikimit të gjuhës greke për nivelin B1, me përgatitje brenda shkollës. Programi përfshin dhe provime simuluese me shkrim dhe me gojë. Gjatë shkollimit të tyre në gjimnaz kanë mundësi të certifikojnë njohuritë e tyre deri në nivelet më të larta të njohjes së gjuhës greke (C1 dhe C2). Provimet zhvillohen në maj në mjediset e shkollës, pasi “Arsakeio e Tiranës ” është qendër zyrtare provimesh e njohur nga Qendra e Gjuhës Greke e Ministrisë së Arsimit të Greqisë.

Qendra e certifikimit të Gjuhës Greke

Shkolla “Arsakeio e Tiranës” është një qendër provimesh e njohur nga Qendra e Gjuhës Greke, institucioni zyrtar për certifikimin e gjuhës greke i Ministrisë së Arsimit të Greqisë. Në provimet ,që zhvillohen çdo maj, marrin pjesë çdo vit nxënësit tanë, të cilët, në varësi të njohurive dhe aftësive të tyre, marrin diploma të njohjes së gjuhës greke për të gjitha nivelet.

Gjuha angleze, ndiqet sipas programit zyrtar të Ministrisë së Arsimit e Sportit të Shqipërisë dhe përforcohet me metodat e përparuara të Kembrixhit. Në klasën VIII ose IX, nxënësit tanë përfitojnë nga përgatitja brenda shkollës për të marrë pjesë në provimet për diplomën « First Certificate in English»(FCE), duke fituar një certifikatë të nivelit B2 për gjuhën angleze.

Konkurse për nxënësit

Cikl 9-vjeçar “Arsakeio e Tiranës” përfaqësohet rregullisht në olimpiadat kombëtare dhe ballkanike, në konferencat dhe në konkurset retorike për nxënësit e shkollave Arsakeio në Greqi si edhe në konkurse të tjera duke arritur rezultate të shkëlqyera. Kjo arritje është rrjedhojë e përkushtimit të plotë dhe e punës së vazhdueshme, si dhe marrëdhënieve të shkëlqyera midis mësuesve dhe nxënësve.

Karriera e të diplomuarve

Arsimi në shkollat «Arsakeio» përbën një bazë të fortë për sukses profesional dhe shoqëror të të diplomuarve. Me 189 vjet arsim të pandërprerë cilësor në Greqi dhe 27 vjet prani të suksesshme në sistemin arsimor të Shqipërisë, shkollat «Arsakeio» i kanë dhënë shoqërisë qytetare të diplomuar që kanë kontribuar dhe mbështetur ndjeshëm zhvillimin e saj.

Bursa

Aktualisht, rreth 170 nxënës përfitojnë arsimin cilësor që ofrojnë shkollat «Arsakeio» me tarifa ekonomike, falë fondit të bursave.

Veshja

Të gjithë nxënësit janë të detyruar të vijnë në shkollë të veshur me uniformën zyrtare, sipas rregullores së brendshme të shkollës.