Çfarëdo që të ndodhë rreth nesh, ëndrrat e fëmijëve tanë nuk mund të presin

  • Një shkollë me 99,8% sukses në provimet kombëtare të klasës XII në mbarë Shqipërinë
  • 10 medalje ari
  • Arsim cilësor që nga viti 1836 në Greqi, që nga viti 1998 në Tiranë
  • Një komunitet i madh nxënësish dhe prindërish
  • Vlerësim profesional dhe shoqëror i të diplomuarve në të gjitha fushat e jetës

Që nga themelimi i tij në vitin 1836, «Fondacioni Filekpedheftiki» kryen përmbushjen e ëndrrave të fëmijëve. Fillimisht ai u krijua për të mbushur një boshllëk të madh në realitetin arsimor të shtetit të sapoformuar grek: edukimin e vajzës greke.

Pothuajse 200 vjet më vonë, mendimi novator i grupit themelues mbetet boshti rreth të cilit ndërtohet, forcohet dhe përqëndrohet e gjithë filozofia e shkollave “Arsakeio – Tositsia”. Prania dhe veprimtaria e F. F në jetën arsimore, intelektuale, kulturore dhe shoqërore të vendit mbetet thelbësore. Në shkollat “Arsakeio”, fëmijët marrin një edukim të gjithanshëm dhe të plotë – mjeti më i rëndësishëm për të realizuar ëndrrat e tyre dhe për të përparuar në të gjitha fushat e jetës.

“Fëmijët e mi ndoqën studimet në “Arsakeio e Tiranës” duke filluar nga klasa e parë fillore deri në përfundim të gjimnazit, maturës. Mjedisi shkollor i sigurtë, i rrethuar nga natyra krijon tek ne ndjesi të paçmueshme. Do t’u jem gjithmonë mirënjohëse kolegjit “Arsakeio e Tiranës” dhe mësuesve  jo vetëm për cilësinë e mësimdhënies, por edhe për mundësinë që u krijohet fëmijëve të përfitojnë përveç një arsimimi të shkëlqyer në gjuhën shqipe, edhe një arsimim të thelluar në gjuhën dhe kulturën greke. Është një privilegj që i ndihmon të rinjtë të dallohen në rrugën e tyre akademike dhe profesionale.”

Vasilika Mano, Prind

“Për mua “Arsakeio e Tiranës” nuk është thjesht një shkollë. Ai është vendi që më mirëpriti kur isha vetëm 6 vjeç, është një strehë në të cilën zbulova dëshirat e mia dhe zhvillova talentet që zotëroj. Sot, ndërsa përballem me botën reale, e kuptoj qartë se “Arsakeio e Tiranës” më ndihmoi të forcohem si person dhe të përballem me vetëbesim me sfidat . Jam thellësisht mirënjohëse që pata mundësinë që, momentet më të bukura si nxënëse, t’i përjetoj në një shkollë me kaq vlera siç është kolegji “Arsakeio e Tiranës”.

Antea Lani, ish nxënëse e diplomuar

UNË ZGJEDH ARSAKEIO

Inovacion arsimor

Shërbim këshillimi – psikologjik, Shërbim Këshillimi për orientimin shkollor dhe profesional, gjuhë të huaja, vizita në shkollat simotra “Arsakeio” në Greqi dhe bashkëpunim me bashkëmoshatarët, shërbimi i programeve arsimore dhe veprimtarive kulturore (udhëtime edukative, organizim projektesh ndërdisiplinore, pjesëmarrje në olimpiada kombëtare dhe ballkanike etj.)

Infrastrukturë bashkëkohore

Gjimnazi  «Arsakeio e Tiranës» zotëron mjedise të bollshme, të pastra dhe të mirëorganizuara. Shkolla është ndërtuar sipas ligjeve të ndërtimit të shkollave moderne dhe ka infrastrukturë bashkëkohore: laborator informatike, bibliotekë, laborator të shkencave natyrore, hapësira  sportive të jashtme dhe palestër të mbyllur. Oborret plot hapësirë janë të ndara sipas grupmoshave të nxënësve dhe janë të rrethuara plot gjelbërim. Nxënësit ndërtojnë karakterin e tyre në një mjedis të sigurt.

Provimet Kombëtare Shqiptare

Momenti i madh mbërriti. Nxënësit maturantë të kolegjit greko- shqiptar «Arsakeio e Tiranës» janë mëse gati për të hapur derën e së ardhmes së tyre me çelësin e provimeve kombëtare shqiptare. Për mbështetjen dhe përgatitjen sa më të mirë të nxënësve për Provimet Kombëtare , shkolla, në lëndët që jepen provim (matematikë, gjuhë shqipe, anglisht dhe lëndë me zgjedhje), ofron orë shtesë për të arritur rezultatet më të mira të mundshme.

Karriera e të diplomuarve

Arsimi në shkollat «Arsakeio» përbën një bazë të fortë për sukses profesional dhe shoqëror të të diplomuarve. Me 189 vjet arsim të pandërprerë cilësor në Greqi dhe 27 vjet prani të suksesshme në sistemin arsimor të Shqipërisë, shkollat «Arsakeio» i kanë dhënë shoqërisë qytetare të diplomuar që kanë kontribuar dhe mbështetur ndjeshëm zhvillimin e saj.

Të diplomuarit e gjimnazit «Arsakeio e Tiranës» pranohen jo vetëm në universitetet vendase, por dhe në universitete të rëndësishme të Greqisë, të Evropës dhe të Amerikës duke zënë më tej pozicione të rëndësishme në tregun e punës.

Bursa

Aktualisht, rreth170 nxënës përfitojnë arsimin cilësor që ofrojnë shkollat «Arsakeio» me tarifa ekonomike, falë fondit të bursave.

Orari i Shkollës

Tetor – Maj: 08:30 – 14:15. Të mërkurave mësimi zhvillohet deri në orën 15:00.

Gjuhët e huaja në gjimnaz

Në gjimnaz

-Përmirësohen ose përsosen njohuritë në gjuhën greke dhe atë angleze

-Përfundohet procesi i marrjes së diplomave të gjuhëve të huaja me synim nivelin më të lartë të mundshëm për secilin nxënës

-Bëhet lidhja e mësimdhënies së gjuhëve me jetën reale

-Bëhet përgatitje për karrierën akademike dhe profesionale, pasi, në shekullin XXI, gjuha është mjet pune dhe komunikimi

-Zgjerohen horizontet kulturore dhe gjuhësore  të nxënëve me  pjesëmarrjen e tyre në programe evropiane (e-twinning, olimpiada të gjuhës angleze, takime të nxënësve midis shkollave  simotra «Arsakeio»  ), projekte kërkimore dhe ekskursione në Greqi dhe vende të tjera evropiane.

Qëllimi kryesor, veçanërisht për gjuhën angleze, është përgatitja për Provimet Kombëtare të Maturës Shtetërore

Programi i gjuhëve të huaja në «Arsakeio e Tiranës» kontribuon në formimin e ndërgjegjes evropiane të nxënësve tanë, të cilët do të jetojnë si qytetarë të barabartë në Evropën shumëkulturore të së ardhmes.

Gjuhët janë pasaporta për në botën e komunikimit – mjete të vyera të cilat do t’u sigurojnë një të ardhme më të mirë nxënësve tanë.

Diploma të gjuhës greke dhe gjuhës angleze në gjimnaz

  • Certifikimi i gjuhëve të huaja: Në gjimnaz nxënësit kanë mundësi të marrin certifikata për gjuhën greke dhe angleze duke u përgatitur pëgjatë orarit mësimor shkollor.
  • Për gjuhën greke, provimet zhvillohen çdo maj në mjediset e shkollës, pasi «Arsakeio e Tiranës» është qendër provimesh e njohur nga Qendra e Gjuhës Greke, institucioni zyrtar për certifikimin e gjuhës greke në varësi të Ministrisë së Arsimit të Greqisë.

Në muajin maj, nxënës të klasave X ose XI, të cilët kanë shumë vite që studiojnë në shkollën tonë, marrin pjesë në provimet e njohjes së gjuhës greke, të paktën në nivelin B2, në vartësi të njohurive dhe aftësive të tyre.

Paralelisht, të gjithë nxënësit, të cilët kanë ardhur rishtaz në shkollë në klasat e ndërmjetme, ose që ndodhen edhe në vitin e dytë të tyre në gjimnaz, nxiten të provojnë njohuritë që zotërojnë në gjuhën greke. Për të kryer këtë  ata konkurojnë për nivelet më të ulëta të mësimit të gjuhës. Deri në muajin maj, kur nxënësit arrijnë në klasën XI, synohet përftimi i diplomave që tregojnë njohjen e gjuhës greke deri në nivelet C1 dhe C2.

Shkolla «Arsakeio e Tiranës» ndjek politikat gjuhësore të             BE-së,  të cilat zhvillojnë përfshirjen e gjuhëve më pak të folura në grupin e gjuhëve që mësojnë nxënësit, madje në njohuri edhe më të vogla. Kështu nxitet  shumëgjuhësia si një përparësi dhe aftësi e shekullit  XXI.

Për gjuhën angleze, nxënësit e klasës X, të cilët nuk kanë marrë pjesë më parë në provimet e klasës IX, realizohet marrja pjesë në provimet e FCE-së me përgatitje brenda shkollës. Paralelisht, parashikohet që, nëse ka nga nxënësit pjesëmarrës të aftë që plotësojnë kushtet, të organizohet përgatitje për diplomat «Advanced» ose «Proficiency in English» për nxënësit e klasave XI.

Regjistrimet në gjimnaz

Për të ndjekur studimet në gjimnazin «Arsakeio e Tiranës» nevojitet kalimi me sukses i provimeve matëse të aftësive në lëndët gjuhë shqipe dhe matematikë bazuar në programin e miratuar nga Ministria e Arsimit dhe e Sportit të Shqipërisë. Kalimi me sukses i këtyre provimeve është kusht për regjistrimin e nxënësve  të rinj, që dëshirojnë të ndjekin mësimet në gjimnazin «Arsakeio e Tiranës». Kjo vlen edhe për ata nxënës ekzistues që vijnë nga shkolla jonë 9-vjeçare dhe që duan ti vazhdojnë më tej studimet në gjimnazin «Arsakeio e Tiranës». Kandidatët me arritjet më të larta do të pranohen sipas renditjes  së pikëve dhe në varësi të vendeve të lira. Për nxënësit me rezultate të shkëlqyera shkolla ofron bursa.

Veshja

Të gjithë nxënësit janë të detyruar të vijnë në shkollë të veshur me uniformën zyrtare, sipas rregullores së brendshme të shkollës.